Trajneri Gareth Southgate sipas të gjitha gjasave do të largohet nga Kombëtarja e Anglisë me të përfunduar Kampionati Evropian “Gjermania 2024”.
Southgate ka paralajmëruar largimin e tij pasi është kritikuar dhe vërshëllyer nga tifozët anglezë, të cilët nuk janë të kënaqur me punën e tij.
Tekniku anglez ka thënë se e ka parasysh frustrimin e tifozëve dhe ka kërkuar prej tyre që t’i përkrahin futbollistët në “Euro 2024”, sidomos në fazën nokaut.
Anglia është kualifikuar në 1/8 e finales ku do të përballet me Sllovakinë, ndërsa bazuar në ekipin që ka në dispozicion llogaritet favorite për të triumfuar në këtë turne.
Fazën grupore, Anglia e ka mbyllur në pozitën e parë në Grupin C me 5 pikë të mbledhura ku e mposhti Serbinë dhe barazoi me Danimarkën e Sllovakinë.
Southgate është në krye të Anglisë prej vitit 2016 dhe ka kontratë deri në fund të këtij viti me federatën angleze.
