Sot, mbahen zgjedhjet lokale në 38 komuna të Kosovës.
Për 38 komuna janë certifikuar 93 subjekte, 32 parti politike, 32 iniciativa qytetare, dy koalicione dhe 27 kandidatë të pavarur.
Në këto zgjedhje garojnë 5.626 kandidatë dhe prej tyre 206 janë kandidatë për kryetarë komunash dhe të tjerët për ulëse në kuvende komunale.
Subjektet e certifikuara janë renditur me numra prej 100 deri më 192.
Ndërkaq, numri i përgjithshëm i qytetarëve me të drejtë vote në këto zgjedhje është: 2,069,098 votues.
Sipas të dhënave nga Lista Votuese, numri i qytetarëve me të drejtë vote në vendvotime, në Kosovë është 2,025,105 votues, ndërkaq numri i qytetarëve që janë regjistruar për të votuar me postë nga jashtë Kosovës është 43,993 votues.
Procesi zgjedhor do të organizohet në 938 Qendra të Votimit me gjithsej 2,625 vendvotime, prej të cilave 910 Qendra të Votimit për votimin e rregullt me 2,571 vendvotime dhe 38 Qendra të Votimit për votimin me kusht me gjithsej 54 vendvotime.
Zgjedhjet e kaluara lokale janë mbajtur në tetor të vitit 2021, ku LDK-ja pati fituar më së shumti, komuna, ndërsa e dyta u radhit PDK-ja. /teve1.info/
