Protesta është organizuar nga organizata joqeveritare “Youth Initiative for Human Rights Kosovo – YIHR KS”.
Sipas njoftimit të tyre, kjo protestë do të nis në ora 12:00 në sheshin “Skënderbeu”, në Prishtinë.
“Në solidaritet me gratë në Iran, po mblidhemi në sheshin Skenderbeu këtë të mërkurë, më 12 tetor, në orën 12:00. Policia e moralit në Teheran vrau Mahsa Amini, 22-vjeçare, për shkak të mosmbajtjes së duhur të shamisë. Pas kësaj ngjarje, protestat u përhapën në të gjithë vendin. Më shumë vajza dhe gra të reja janë rrahur, zhdukur dhe vrarë në Iran. Duke protestuar për një akt të tillë dhune ndaj grave, komunitetet në mbarë botën po bashkohen për të dënuar akte të tilla mizore dhune dhe njëkohësisht për tu solidarizuar e protestueser në Iran për liri. Të drejtat e grave janë të drejta të njeriut. Të drejtat e grave iraniane janë të drejta të njeriut”, është bërë e ditur në njoftimin e Youth Initiative for Human Rights – Kosovo (YIHR KS).
Po ashtu, në njoftim thuhet se do ta kenë edhe “Tryezën e Kutisë së Flokëve, ku protestuesit mund t’i presin flokët si shenjë rezistence.
“Ne nuk jemi të lirë derisa çdo i/e fundit prej nesh të jetë i/e lirë nga dhuna. Prandaj, ju ftojmë të gjithëve të bashkoheni në tubimin tonë dhe të tregojmë mbështetjen dhe solidaritetin tonë për gratë në Iran. Sillni pankartat, tërbimin, solidaritetin dhe fuqinë tuaj për të qëndruar së bashku për gratë, për jetën dhe për lirinë. Ne gjithashtu do të kemi ‘Tryezën e Kutisë së Flokëve’ ku ju mund t’i prisni flokët si shenjë rezistence. Gratë iraniane e filluan këtë formë rezistence si një mjet për të protestuar ndaj autoritarizmit dhe për të festuar autonominë dhe lirinë mbi trupin e tyre. Bashkohuni me ne këtë të mërkurë. Së bashku qëndrojmë me gratë në Iran!”, thuhet me tej në njoftim. /teve1.info/
