Kryetari i Zubin Potokut, Izmir Zeqiri, ka bërë të ditur se sot, ( e premte) do të mbahet seancë urgjente në këtë komunë.
Zefiri për Tëvë1 tha se rendi i ditës është për themelimin e Komisionit për pranimin e objektit.
“Sapo morra informatën se nesër kemi seancë urgjente në objektin e komunës. Rendi i ditës është për themelimin e Komisionit për pranimin e objektit, kjo është në bazë të asaj çfarë më ka thënë kryesuesi i Kuvendit”, deklaroi ai.
Ndërkohë, ka kaluar një vit prej kur morën pozitat e kryetarëve të dy komunave veriore, Izmir Zeqiri e Ilir Peci dhe ende detyrën e ushtrojnë nga zyrat alternative në fshatrat Çabër e Lipë.
Bojkoti i qytetarëve të Zubin Potokut e të Zveçanit për të votuar për shkarkimin e tyre më 21 prill, u ka hapur rrugë atyre që detyrën ta ushtrojnë nga zyrat në komunë.
Shkuarjen e tyre në zyrat e komunës e ka kërkuar edhe kryeministri Albin Kurti, pas bojkotit të votimit të së dielës nga serbët, për shkarkim të kryetarëve shqiptarë./teve1.info./
