Në Superligën e Kosovës, sot do të zhvillohen edhe dy përballje mjaft interesante, në kuadër të xhiros së gjashtë.
Në fakt, me këto ndeshje që startojnë nga ora 16:00, edhe do të mbyllet kjo xhiro që pati rezultate të papritura.
Ballkani do ta mirëpresë Dukagjinin në Suharekë, në përballjen që pritet të jetë mjaftë dramatike.
Klubi nga Theranda synon t’i rikthehet rezultateve pozitive, ndërsa Dukagjini për të vazhduar me fitore ngase nuk di për humbje në pesë ndeshjet e fundit.
Në anën tjetër, Llapi do ta presë Malishevën në stadiumin “Zahir Pajaziti” në Podujevë.
Skuadra e trajnerit Tahir Batatina, shijoi fitoren e parë ndaj Vushtrrisë, andaj do të provojë të shkojë me të njëjtin ritëm.
Kurse, Malisheva u njoftua me humbje në xhiron e fundit prandaj do të bëjë çmos për mos ta regjistruar të dytën radhazi.
