Prioritet për emisarin e Bashkimit Evropian për dialogun Kosovë-Serbi, Peter Sorensen, është hedhja dritë mbi fatin e të zhdukurve gjatë luftës së fundit në Kosovë.
Kështu ka deklaruar vetë ai në një postim në X.
“Hedhja e dritës mbi fatin e të zhdukurve të mbetur është një domosdoshmëri humanitare”, ka shkruar Sorensen në X, duke shtuar se familjet që ende presin të mësojnë për të dashurit e tyre meritojnë një epilog të kësaj çështje.
“Kjo është arsyeja pse personat e zhdukur janë prioritet për mua në dialog”, ka thënë Sorensen.
Sorensen është duke qëndruar në Kosovë që tri ditë në vizitën e tij të parë zyrtare që kur mori mandatin në shkurt të këtij viti.
Shedding a light on the fate of the remaining missing persons is a humanitarian necessity. The families still waiting to learn about their loved ones deserve closure. This is why missing persons is a priority for me in the Dialogue. pic.twitter.com/ZfdLC6PRVX
— EUSR for Belgrade-Pristina Dialogue (@EUSR_Dialogue) March 19, 2025
