Trajneri i skuadrës së Beshiktashit, Ole Gunnar Solskjaer, ka kërkuar nga futbollisti i Shqipërisë, Ernest Muçi, që të qëndrojë edhe për një sezon tjetër te gjiganti turk.
Solskjaer është shumë i lumtur me paraqitjet e fundit të Muçit, i cili në dy ndeshjet e fundit të Beshiktashit ka luajtur nga minuta e parë dhe ka shënuar 1 gol. 24-vjeçari Muçi në 33 ndeshjet e luajtura këtë sezon ka shtatë gola dhe ka bërë tri asistime.
Më herët është raportuar për një largim të mundshëm të Muçit nga Beshiktashi në afatin kalimtar të verës kurse për shërbimet e tij kanë shprehur interesim disa ekipe evropiane.
Muçi me gjigantin turk ka kontratë deri në verën e vitit 2027 kurse te Beshiktashi u transferua në shkurt të vitit të kaluar nga Legia e Varshavës për dhjetë milionë euro.
