Liverpooli më në fund ka arritur të marrë tri pikët në Ligën Premier, pas disa javësh pa fitore. “The Reds” triumfuan ndaj Aston Villës 2-0 në “Anfield”, duke u rikthyer te buzëqeshja në kampionat nën drejtimin e trajnerit holandez, Arne Slot.
Skuadra vendase zhvilloi një ndeshje të disiplinuar, duke përfituar nga gabimet e kundërshtarit dhe duke u treguar efikase para portës.
“Jam i kënaqur me rezultatin, me performancën dhe me atë që pashë sot, jo vetëm nga lojtarët, por edhe nga mbështetja që morëm nga tifozët. Ishte pikërisht ajo që na duhej sot”, deklaroi ai.
Pas përfundimit të takimit, trajneri Arne Slot nuk e fshehu kënaqësinë për rezultatin dhe reagimin e lojtarëve të tij.
Në fund, ai theksoi se në futboll më e rëndësishme se loja e bukur janë rezultatet, duke vlerësuar se skuadra po ecën në drejtimin e duhur.
“Në ndeshje të tjera kemi krijuar më shumë nga loja e hapur sesa sot, por në futboll ka të bëjë me rezultatet, jo me rastet që krijon nga loja e hapur”, përfundoi trajneri i Liverpoolit.
