Kombëtarja e Sllovenisë në futboll ka nisur të hënën përgatitjet për ndeshjen e së shtunës ndaj Kosovës.
Mirëpo, Sllovenia ka nisur grumbullimin pa yllin më të madh, Benjamin Sheshko.
Sulmuesi u lëndua të shtunën derisa po luante për Manchester Unitedin.
Sipas njoftimit të Federatës së Futbollit të Sllovenisë, paraqitja e Sheshkos ndaj Kosovës më 15 nëntor dhe ndaj Suedisë më 18 nëntor është shumë në dyshim.
“Trajneri i Sllovenisë, Matjazh Kek, ka thënë para stërvitjes se është në komunikim të vazhdueshëm me sulmuesin e Manchester Unitedit, që lëndoi gjurin të shtunën. Se sa serioz është lëndimi do të kuptohet pas testeve që e presin Sheshkon në ishull. Menaxhmenti i Sllovenisë nuk ka pranuar ende nga klubi i Premier Leagues ndonjë dëshmi për gjendjen shëndetsore të 22-vjeçarit”, ka njoftuar federata sllovene.
