Të martën u prezantua kurse të mërkurën udhëhoqi Golden Eagle Yllit drejt fitores në Superligën e Kosovës në basketboll.
Bëhet fjalë për trajnerin nga Sllovenia, Ales Pipan që debutoi me fitore në krye të skuadrës së Yllit.
Ylli, të mërkurën mbrëma i dha fund serisë negative prej pesë humbjeve rresht pasi e mposhti Pejën në palestrën “Karagaçi” me shifrat 83:71 në kuadër të xhiros së 18-të.
Ylli u tregua ekip më i mirë, duke i fituar tre çerekët e parë kurse fitoren e siguroi edhe pse e humbi çerekun e fundit.
Jan Palokaj me 20 pikë, 4 kërcime e 3 asistime ishte më efikasi tek Ylli kurse te Peja u veçua Dardan Berisha me 15 pikë të realizuara.
