Kryeprokurori i Shtetit, Zejnulla Gashi, dhe Kryetari i Gjykatës Supreme të Kosovës, Fejzullah Rexhepi kanë diskutuar për një politikë më të ashpër të ndëshkimit për veprat penale kundër rendit kushtetues dhe korrupsionit të nivelit të lartë.
Ata u shprehen përkushtimin për avancimit e bashkëpunimit
“Temë qendrore e diskutimeve profesionale ishte nevoja për një politikë më të ashpër ndëshkimore për veprat penale kundër rendit kushtetues dhe sigurisë së Republikës së Kosovës, si dhe për rastet e korrupsionit të nivelit të lartë. Të dy udhëheqësit e këtyre institucioneve konfirmuan përkushtimin e tyre për avancimin e bashkëpunimit të ndërsjellë në përputhje të plotë me kompetencat e tyre ligjore në funksion të forcimit të sundimit të ligjit në Republikën e Kosovës”, thuhet në komunikatën e Prokurorisë së Shtetit./teve1.info/




