Janë prindërit e dy nxënësve të vrarë në autobus në nëntorin e vitit 2021 në Gllogjan.
Ata erdhën të parët në Gjykatën Themelore në Pejë.
Aq sa afrohej koha për shpalljen e verdiktit ndaj babait dhe dy djemve të tij për vrasjen e trefishtë, aq shtohej prania e policisë brenda sallë.
Në disponim të mirë u shfaqën sërish të akuzuarit, Halil, Kastriot e Kreshnik Mehmetaj.
Mirëpo, sot trupi gjykues nuk e dha fjalën e fundit.
“Vendimi, gjyqtari Leon Përlaska tha se erdhi si shkak i një prove të prokurorisë, e cila ishte përmendur vetëm në fjalë përfundimtare. Fjala është për këtë provë, në të cilën prokuroria u mbështet gjatë fjalës përfundimtare, sa i përket armës me të cilën pretendohet se është kryer vepra”, deklaroi Leon Përlaska, kryetar I trupit gjykues.
Për rihapjen e çështjes gjyqësore, prokurorja e rastit nuk pati koment.
“Ndërsa, përfaqësues të familjes së shoferit të vrarë, përkundër rihapjes së çështjes janë optimist se rasti do të përfundojë me dënimin e të akuzuarve”, tha prokurorja, Sahide Gashi.
Çështjen e komentoi edhe avokati I familjes së Gani Gjocajt, Arianit Koci.
“Në fjalën përfundimtare, Prokuroria kërkoi që tre të akuzuarit të dënohen me burgim të përjetshëm. Sipas aktakuzës së Prokurorisë, vrasja u krye për qëllime hakmarrëse ndaj shoferit. Prokuroria e ka ndërlidhur këtë vrasje me vetvrasjen e H.M në vitin 2020, e cila ishte e bija e të aku zuarit Halil Mehmetaj”, theksoi avokati Arianit Koci.
Në gjykim kanë dëshmuar edhe dy prej nxënësve të cilët ditën kritike ndodheshin në autobus.
Megjithatë, të tre të akuzuarit që prej arrestimit, e kanë mohuar përfshirjen e tyre në njërën prej rasteve më të rënda në Kosovën e pasluftës.
