Në mungesë të energjisë elektrike, seanca gjyqësore për rastin e 400 kilogramëve kokainë të ardhur nga Brazili është ndërprerë.
Meqenëse problemet me rrymën po vazhdojnë, gjykatësi i rastit Ngadhnjim Arrni e ndërpreu seancën për të vazhduar në orën 13:15.
Seanca e sotme nisi me vonesa për shkak të ndërprerjes së energjisë elektrike, ndërsa pas furnizimit me energji elektrike vazhdoi dhënies e mbrojtjes së tij i akuzuari Izet Shaqiri i cili është pronar i kompanisë “MC FOOD”.
Pyetje për të akuzuarin Shaqiri parashtroi avokati i tij, Florent Latifaj, por më pas me ndaljen e rrymës u ndërpre seanca sërish.
Në rastin e 400 kilogramëve kokainë të ardhur nga Brazili, po akuzohen pronari i kompanisë “MC FOOD”, Izet Sheqiri, dhe katër të tjerë: Faton Vrajolli, Kadri Sheqiri, Kadri Rrahimi, Fehmi Bytyqi.
