Seanca e sotme e Kuvendit të Kosovës si edhe shumë seanca tjera të kohëve të fundit, ka përfunduar në mungesë të kuorumit për vendimmarrje.
Derisa opozita shprehu qëndrimin se nuk do të marrin pjesë në asnjë votim në Kuvend, derisa nuk ka zhbllokim të mjeteve vetanake të komunave, shumica parlamentare nuk pati mjaftueshëm deputetë për të vazhduar shqyrtimin e pikave tjera të rendit të ditës.
Kështu, kryetari i Kuvendit, Glauk Konjufca e mbylli seancën e sotme.
Në këtë seancë, përveç deklarimeve jashtë rendit të ditës dhe pyetjeve parlamentare nuk u shqyrtua asnjë projektligj apo marrëveshje ndërkombëtare.
