Analisti, Dorajet Imeri, deklaroi se pas sulmit të fundit në veri, ku mbeti i vrarë një polic, pasqyrohet se në çfarë rruge të vështirë po kalon Republika e Kosovës.
Prandaj, Imeri vlerësoi që kryesit e kësaj vepre mund të identifikohen shumë shpejt nga institucionet e Kosovës, përcjell teve1.info.
“Ky është një moment reflektimi për rrugën e vështirë që po kalon Republika e Kosovës. Bashkësia Ndërkombëtare që me kaq ngulm e favorizonte Beogradin, duhet ta kenë një tablo tjetër besoj. Nuk ka tregues më të mirë se sa kjo që ndodhi mbrëmë, për të treguar realisht se çfarë skenarësh është duke përgatitur Serbia në raport me veriun e Kosovës. Kosova ka rritur mjaftueshëm kapacitetet e saj, shumë shpejt mund të identifikohen kryesit e kësaj vepre”, deklaroi Imeri në Tëvë1.
Një zyrtar i Policisë së Kosovës është vrarë të dielën në veri të Kosovës.
Policia ka thënë se është sulmuar në fshatin Banjskë të Zveçanit, ku një zyrtar tjetër është plagosur dhe një tjetër është lënduar.
