Ish-deputeti, Zafir Berisha ka thënë se sulmi terrorist në kanalin e Ibër-Lepencit nuk ka qenë i papritur, pasi sipas tij, Kosova rrezikohet çdo ditë.
Berisha duke iu referuar shkuarjes në vend të ngjarjes, ka pasur kritika për kryeministrin, Albin Kurti dhe opozitën, kjo pasi sipas tij, ajo pjesë është çështje e sigurisë dhe nuk është çështje e fushatave elektorale.
“Sulmi nuk ishte i papritur, ishte vazhdimësi e granatave në Kuvend komunal, Stacione të policisë nëpër shtëpitë private të banorëve… Ne rrezikohemi për çdo ditë me akte terroriste…Ato veprime po ndodhin në atje pjesë se është target ,por janë të mundshme të ndodhin në të gjithë Kosovën. Unë mendoj se duhet me qenë më syqel, veprimet janë marrë natyrisht pas damit. Unë nuk po e shoh shumë në rregull selfiet që po i bëjnë pjesa politike në atë pjesë. Kryeministri, besa edhe të opozitës po shkojnë aty më bë selfie, është çështje e sigurisë- nuk është çështje e fushatës. Ajo pjesë ka të bëjë më shumë me siguri sesa me reklama për fushata elektorale”, ka deklaruar ai në emisionin “Info Nata” në Tëvë 1.
Tutje, Berisha thotë se terroristët ishin ekspert që e kanë menduar mirë sulmin.
“Nuk e besoj që 20 kg se janë shumë 20 sepse është material luftarak që e kamë përdorur vet në kohën kur është dashur… Është përdorur tritol nga njerëzit ekspertë të cilët kanë pasur përvojë. Ka qenë e menduar mirë…”, ka thënë ai.
