Trajneri Diego Simeone do të jetë në krye të Atletico Madridit edhe për sezonin e ardhshëm. Qëndrimin e tij tek ekipi spanjoll e ka konfirmuar edhe vetë Simeone, ka raportuar “Marca” të hënën.
52-vjeçari është i vendosur ta respektojë kontratën me Atleticon që i skadon në vitin 2024 dhe tashmë ka refuzuar ofertat e disa skuadrave të Evropës.
“Nuk kam çka të them për të ardhmen time. Do të vazhdoj me Atletico Madridin”, ka thënë shkurt Simeone.
Argjentinasi është në krye të Atleticos prej dhjetorit të vitit 2011 dhe gjatë kësaj periudhe ka fituar nëntë trofe, përfshirë dy tituj kampioni të Spanjës.
