Familjari i personit që u gjet i vdekur në fshatin Baicë të Lipjanit ka treguar se si kanë arritur ta gjejnë trupin.
Ai ka thënë se kanë filluar kërkimet për të pas orës 18:00 kur ai nuk është kthyer në shtëpi .
Pas kërkimit afër shtëpive ai thotë se përmes vëzhgimit të kamerave e kanë parë lëvizjen e tij të fundit, jo larg vendit ku është gjetur.
Më pastaj, Besnik Bajraktari tregon se kanë parë shtagën (shkopin) më të cilin ai i ruante bagëtitë, si dhe kanë vërejtur gjurmë të zvarritjes që i ka dërguar deri te vendi ku është gjetur.
“Përmes kamerave të shtëpisë së vëllait të tij, lëvizja e fundit që është pa ka qenë afër një shtëpie, pastaj në bazë të asaj janë ardh e kanë lyp qetu ne teren. Te gjurmët e tij kanë ardhur përmes shtagës që e ruan lopën, pastaj janë pa shenja të ngrehje zhag dhe përmes atyre janë shkua te gjurmët e tij. Përmbi ka qenë misri i mbjelltë, pastaj ka pasur dërrasa dhe kur i kanë heqë ato kanë pas qe u kanë trup i njerit”, ka thënë ai para medieve.
Policia ka bërë të ditur se për këtë rast janë intervistuar katër persona si dëshmitarë, ndërsa që rasti është cilësuar si “vrasje e rëndë”
Edhe Prokuroria Themelore në Prishtinë ka bërë të ditur se në bashkëpunim me Policinë e Kosovës kanë filluar hetimet intezive për rastin.
https://www.facebook.com/share/v/1K2sLfVsRf/
