Politolgu, Dorajt Imeri ka vlerësuar se kandidati dytë i mandatar për kryeministër nga Lëvizja Vetëvendosje, Glauk Konjufca nuk do të votohet për kryeministër.
Ai ka thënë se qëndrimet që kanë dhënë partitë parlamentare nuk japin sinjale që Konjufca do të votohet për kryeministër.
“Konjufca nuk do të mund të jetë kryeministër i Kosovës, sepse qëndrimet aktuale të partive politike, PDK-së, LDK-së, AAK-së e Nismës nuk japin asnjë indikacion pozitiv në këtë drejtim. Unë nuk besoj se është e pamundshme nga ajo çfarë shohim nga deklaratat”, ka thënë ai në emisioin “Këndi i Debatit” në Tëvë1.
Ai duke folur për mandatimin që presidentja Osmani i dha Konjufcës për ta formuar Qeverinë, ka thënë se nuk beson që është bërë shkelje kushtetuese.
Imeri ka thënë se zgjedhjet e jashtëzakonshme janë të pashmangshme, por sipas tij rreshtimi i partive politike do të jetë më i rëndësishëm.
Këshilli i Përgjithshëm i LVV-së të martën me vota unanime e propozoj Glauk Konjufcën për kryeministër. Kjo u bë pasi kryeministri në detyrë, Albin Kurti nuk mori votat e mjaftueshme për të formuar Qeverinë Kurti III.
