Vjeshta ka ardhur, ditët po shkurtohen, gjethet po bien dhe temperaturat janë ulur. Por jo vetëm kaq, kjo stinë vjen edhe me disa viroza, prandaj ne më poshtë do ju rendisim disa këshilla si të mos prekeni dhe të gëzoni shëndet të plotë.
1) Ushqime të ngrohta dhe sezonale
Ndryshimi i temperaturës mund t’ju zërë në befasi, prandaj ushqyerja luan një rol të rëndësishëm në përshtatjen e trupit. Preferoni frutat dhe perimet e vjeshtës si gështenjat, kungujt, rrushi, lakra, panxhari. Zgjidhni supa të ngrohta, pure perimesh dhe pije të nxehta me erëza si shafrani i Indisë, xhenxhefili, kanella dhe karafil për një nxitje shtesë.
2) Forconi sistemin tuaj imunitar
Ndërrimi i stinës është thelbësor për sistemin tuaj imunitar. Pini shumë ujë, hani fruta dhe perime të pasura me vitaminë C dhe provoni ilaçe natyrale si ekinacea, astragalus, trëndafil i egër, hudhra, propolis dhe zink. Ka shumë suplemente që mund të gjeni në farmaci dhe dyqane bimore.
3) Mos e lejo përtacinë të të mposhtë.
Në verë lëviznim më shumë, por në vjeshtë kushtet e motit mund të të ulin humorin. Mos e lejo këtë të jetë justifikim! Gjej ushtrimin që të përshtatet, ecje, vrapim, ushtrime në shtëpi, dhe mbaje trupin aktiv.
4) Pushim dhe një orar i qëndrueshëm gjumi
Vjeshta është koha ideale për të ngadalësuar ritmin tuaj të ngjeshur. Sigurohuni që të flini mjaftueshëm dhe t’i përmbaheni një orari të qëndrueshëm gjumi, duke shkuar në shtrat dhe duke u zgjuar në të njëjtën kohë çdo ditë. Gjithashtu, shmangni të ngrënit të paktën 2-3 orë para gjumit për tretje më të mirë dhe gjumë cilësor.
5) Kujdesi për veten dhe relaksimi
Gjeni kohë për t’u kujdesur për veten. Një banjë e ngrohtë, një libër i mirë, muzika ose çaji mund të rigjallërojnë energjinë tuaj. Provoni një masazh relaksues me vaj bajamesh ose susami dhe vajra esencialë sipas zgjedhjes suaj. Meditoni për 10 minuta çdo ditë, duke u ulur rehat, duke mbyllur sytë dhe duke marrë frymë ngadalë e thellë.
