Familjari i imamit të vrarë në fshatit Zlipotok të Komunës së Dragashit, ka thënë se i ndjeri ka pas kërcënime të vazhdueshme nga i dyshuari B.H për vrasje i cili është ndaluar për 48 – orë.
Ai ka treguar se i ndjeri dhe i dyshuari kishin një mosmarrëveshje lidhur me shfrytëzimin e një toke, por që sipas tij, hoxha kishe hequr dorë.
Mbrëmjen e së hënës ai ka treguar se imami G.T, ishte thirr për të biseduar diçka nga i dyshuari, i cili sipas tij e ka goditur disa herë .
“E ka thirr hoxhën me bisedua diçka e ka godit në shpinë e në qafë ka qenë një mosmarrëveshje po jo e madhe. U kanë një mosmarrëveshje për livadhe, hoxha e ka kositë para disa vjetëve, ai po thotë sana është e jemja, hoxha i ka thënë merre nuk është problem”, ka thënë ai ndër të tjera.
I dyshuari i cili gjendej në arrati është arrestuar të martën. Prokuroria Themelore në Prizren ka njoftuar se ai është ndaluar për 48-orë.
Poashtu në ndalim është edhe babai i të dyshuarit për veprën penale “mos dhënje të ndihmës”.
Rasti sipas Policisë së Kosovës ka ndodhur mbrëmë rreth orës 23:15, ndërsa që G.T ishte dërguar për trajtim mjekësor në emergjencën e QKMF-së në Dragash, ku atje ekipi mjekësor kishte kontaktuar vdekjen.
