Mëngjesi i së premtes e gjeti lagjen ne qetësi.
Por kështu nuk ishte të enjten mbrëma.
Në Bregun e Diellit 2 në kryeqytet, dy grupe u përleshën me njëra tjetrën, për çka kërciti edhe arma e zjarrit AK47, e që nuk pati të lënduar.
Të dyshuarit u larguan nga vendi i ngjarjes, e në pamjet e siguruara nga TËVË1, Policia e Kosovës arriti shpejt në vendin ku ndodhi rasti, në të cilin dëgjoheshin edhe familjarët e kësaj zone duke bërtitur.
Televizioni mëson se të dyshuarit dolën nga ky lokal, pastaj duke u shpërndarë nëpër rrugë tjera alternative.
Njëri nga banorët e lagjes, i tha televizionit, se gjatë këtij momenti janë ndjerë të shqetësuar, deri sa kanë parë forca të shumta policore.
“Ne kemi qenë të shqetësuar, kemi qenë në banesë të ndejtë me shokë, edhe erdhëm i kemi dëgjuar disa zhurma, erdhëm në vendin e ngjarjes, policia kishin ardhë, kanë ardhë kogja patrolla”, tha një banor.
“Dolëm me shiku se si është gjendja, kishin ardhë Policia. I kom dëgjua të shtënat, kanë gjuajtur shumë herë, ku erdhëm me shiku. Kur i kom dëgjua të shtënat, policia ka ardhë kogja në një kohë të shpejt”, tha një tjetër banor.
Policia e Kosovës ka dhënë detaje të reja për rastin.
Në vendin e ngjarjes kanë gjetur dhe sekuestruar 19 gëzhoja si dhe gjatë kontrollit të shtëpisë së personit të dyshuar janë gjetur disa fishekë, jelekë ushtarak dhe substanca narkotike.
I dyshuari ndodhet ende në arrati, e rasti është cilësuar, vrasje në tentativë, shkaktim i rrezikut të përgjithshëm dhe posedim të narkotikëve.
“Një mashkull kosovar ka raportuar se i dyshuari mashkull kosovar pas një mosmarrëveshje me disa persona, e ka marrë armën AK 47 dhe pasi ka dal nga shtëpia kishte shtënë me armë. Njësitet policore në vendin e ngjarjes kanë gjetur dhe sekuestruar 19 gëzhoja si dhe gjatë kontrollit të shtëpisë së personit të dyshuar janë gjetur disa fishekë, jelekë ushtarak dhe substanca narkotike. Në vendin e ngjarjes përveç njësive relevante policore ka dalë edhe prokurori. Personi i dyshuar gjendet në kërkim policor”, thuhet në raportin 24 orësh të Policisë së Kosovës”.