Këta të fundit, u dërguan me urgjencë në Spitalin Rajonal të Pejës.
“Rreth orës 19:30 janë sjellë gjithsej 18 persona, prej tyre 10 të rritur dhe 8 fëmijë. Prej 10 të rriturve kanë qenë edhe 2 gra shtatzëna të cilat kanë marrë ndihmën mjekësorë, njëra është transferuar në QKUK…” Shkëlzen Elezaj, mjek kujdestar.
Elezaj ka dhënë detaje edhe për gjendjen e fëmijëve të aksidentuar.“Fëmijët janë të gjithë në gjendje stabile. Shumica prej tyre janë lëshuar në shtëpi, pa ndonjë shqetësim të madh”, ka thënë Elezaj.
E njëri nga shoferët, që nuk ka dashur të identifikohet, tregoi se si ndodhi e gjithë ngjarja.
“Për një moment ka ndodh gjithçka. Nuk e di prej cilës pjesë ka ardhur,vetëm kur e kam pa veten që kam përfunduar nën rrugë”, ka thënë i aksidentuari.
Ky i aksidentuar, që në veturën e tij kishte gruan dhe motrën shtatzënë, për Tëvë1, tha se gjendja e tyre është më e rëndë.
“Jam kanë me gruan me vajzën, me motrën dhe fëmijën e saj. Gjendja e tyre është e keqe, motra është në Prishtinë, gruan e kam shtatzënë, është në gjinekologji naltë” ka thënë një nga të aksidentuarit.
E në një veturë tjetër, ndodheshin edhe katër familjarët e Edona Miftarit.
Ndërkohë të hënën, Policia e Kosovës, ka zbuluar shkaqet që çuan deri tek ky aksident.“Deri te aksidenti ka ardhur kur i dyshuari mashkull kosovar derisa ishte duke drejtuar veturën, nga pakujdesia ka goditur tri vetura të cilat ishin duke lëvizur në kahjen e kundërt. Si pasojë e aksidentit, lëndime trupore kanë pësuar 18-persona (meshkuj dhe femra kosovarë), tre prej tyre fëmijë të moshave të ndryshme”, ka sqaruar Policia.
Tëvë1 ka pyetur edhe për gjendjen shëndetësorë të të lënduarave që janë transferuar në QKUK.
Drejtori i Klinikës së Ortopedisë, Gani Jashanica, ka thënë se dy të lënduarit që ndodhën në këtë klinikë, janë jashtë rrezikut për jetën.
Raporti i gazetarit Fidan Zejnullahu.
