Kosova në futboll ka ende gjasa për t’u kualifikuar në evropianin e ardhshëm. Për Dardanët gjasat janë minimale, por matematikisht kjo është mundur.
Mirëpo si mund të arrihet kjo?
“Dardanët” deri në fundin e kampanjes kualifikuese i kanë edhe dy ndeshje, më 18 nëntor si mysafirë të Zvicrës dhe më 21 nëntor në “Fadil Vokrri” kundër Bjellorusisë.
Skuadra e udhëhequr nga Primozh Gliha, duhet me patjetër t’i fitojë dyja takimet, por vetëm fitoret nuk kryejnë punë për t’u kualifikuar në evropianin e ardhshëm, pasi kjo nuk do të varet nga rezultatet e Kosovës.
Ndërkaq, për t’u arritur një gjë e tillë që Kosova të kalojë në turin tjetër, duhet me patjetër që Rumania të barazojë me Izraelin dhe fitojë ndaj Zvicrës.
Kjo është formula e mundshme se si Kosova mund të jetë pjesë e evropianit që vitin e ardhshëm do të mbahet në Gjermani.
Kombëtarja ku luajnë edhe dy futbollistët me prejardhje nga Koosva, Granit Xhaka dhe Xherdan Shaqiri, nuk po kalon momentet më të mira, pasi që Zvicra, nuk ka arritur në fitojë në katër nga pesë ndeshjet e fundit, dhe kjo do të jetë mundësi e mirë për Kosovën.
