Mendoni sikur jeni shumë pranë asaj çfarë keni ëndërruar prej kohësh, qoftë gjetja e një pune të re, krijimi i një marrëdhënie të re ose hapja e një biznesi dhe në fund, diçka si ‘forcë magnetike’ iu ndal, e cila përkthehet dhe në frikën që ndjejmë zakonisht në rast se këto përpjekje dështojnë.
Pëshpërisim me veten se “ende s’është koha e duhur” ose “se ndjej veten të gatshëm”. Janë pikërisht këto justifikime që manifestojnë pengesën kryesore për të marrë atë çfarë vërtetë duam. Këto shprehi shpjegojnë dhe frikën që ndjejmë në të tilla situata, aq sa dështimi na duket fare pranë.
Mendoni sikur jeni shumë pranë asaj çfarë keni ëndërruar prej kohësh, qoftë gjetja e një pune të re, krijimi i një marrëdhënie të re ose hapja e një biznesi dhe në fund, diçka si ‘forcë magnetike’ iu ndal, e cila përkthehet dhe në frikën që ndjejmë zakonisht në rast se këto përpjekje dështojnë.
Pëshpërisim me veten se “ende s’është koha e duhur” ose “se ndjej veten të gatshëm”. Janë pikërisht këto justifikime që manifestojnë pengesën kryesore për të marrë atë çfarë vërtetë duam. Këto shprehi shpjegojnë dhe frikën që ndjejmë në të tilla situata, aq sa dështimi na duket fare pranë.
Me kalimin e kohës, kjo kulturë frike fillon të “mbillet” në kujtesën tonë, aq sa na ngurtëson çdo përpjekje për të marrë iniciativa të guxishme për të çuar deri në fund një mision të marrë përsipër.
“Nëse dështoj, do më etiketojnë si të paaftë”, janë fjalët që pëshpërisim me ndërgjegjien sa herë vëmë në pikëpyetje çdo veprim tonin.
Këtë ‘ngërç’ emocional, studiuesit e lexojnë si një shmangie nga përgjegjësitë dhe mungesë iniciative për t’u përballur me rreziqet.
Si sjellja jonë përcaktohet nga frika?
Kur ndjejmë frikë, kemi tendencën “të ngrijmë”. Mendojmë shumë, vazhdojmë të planifikojmë dhe të përgatitemi, por mungon hapi i parë. Studiuesit mendojnë se sa më shumë të ngurrojmë, aq më shumë rriten dyshimet brenda nesh.
Frika si do të interpretohet nga të tjerët
Jo vetëm mënyra se si ne e shohim veten, por ekziston edhe mënyra se si na përfytyrojnë të tjerët. Si do të dukemi para të tjerëve nëse dështojmë të arrijmë diçka dhe si do të ndikojë vlerësimi i tyre ndaj nesh.
Kapërcimi i frikës përmes hapave të vegjël
Çdo gjë nis me hapa të vegjël, sado mund të duken në thelb të pandikueshëm. Është marrja e iniciativave për të nisur diçka me përpjekje modeste. Një sjellje e tillë më pas kthehet në një fuqi zakoni dhe mund të ulë frikën për t’i parë gjërat më ndryshe. Ndaj marrja përsipër e risqeve, sido që të jetë fundi, na bënë më të pjekur dhe të vetëdijshëm se kjo mund të përkthehet në një përvojë për të ardhmen duke reduktuar ndjeshëm ankthin.
E fundit, por jo më pak e rëndësishme: Mentaliteti!
Se jemi rezultat i asaj çfarë mendojmë e që më pas ekzekutohet në veprim. Mendësia është ajo që kontrollon gjithçka dhe na udhëzon të mposhtim frikën, ose në rastin më të keq, të mposhtemi prej saj. Çelësi i suksesit për të hequr çdo dyshim brenda vetes është pranimi i frikës si një sinjal sfidues dhe jo si përcaktues që mund të na ndalojë drejt asaj që duam.
