Drejtori i Emergjencave në Istog, Xhevat Demaj ka thënë së zjarri ka shkaktuar dëme bujqësore në fshatrat e Istogut.
Demaj tha se shtëpitë private, bizneset, objektet banesore kanë arritur të mbrohen nga zjarri.
Por, ai tha se hetimet janë duke vazhduar pasi që ende nuk dihen shkaktarët kryesor të zjarrit.
“Kemi punuar 7 orë, gjatë gjithë kohës. Zjarri ka nisur në mesditë në një fshat dhe ka vazhdu edhe në fshatë tjerë. Menjëherë zjarrfikësit kanë dalë në vendin e ngjarjes edhe ne si drejtori edhe kryetari i Komunës ka dalë në terren edhe zjarrfikësit, policia, KFOR-i, firma private e gjithë qytetarët e Istogut të asaj pjese i falënderojmë, sepse kanë qenë në gatishmëri jashtëzakonisht. E kemi përballuar brenda 6 orëve e kemi arrit që ta shuajmë zjarrin” “për shkaktarin e zjarrit thashetheme ka shumë, por nuk kemi diçka konkrete. Dikush thotë se energjia elektrike, dikush thotë se një kabull është këput dhe ka shkaktu zjarrin. Ende nuk e dimë, as policia nuk ka informacione, por jemi në kontakt dhe hetimet po vazhdojnë. Situata është e mirë dhe e qetë. “Dëmet janë vetë në bujqësi, në shtëpi private, biznese, nëpër objekte banesore kemi arritur që t’i pshtojmë dhe të mos rrezikohen”, ka deklaruar Demaj në emisionin “Mesditë” në tëvë1./teve1.info/
