Nga 2 shtatori në 5 shkollat në Prishtinë pritet që të mbahet mësim tërëditor. Nxënësit nga klasa e parë deri në 5 do të mbajnë për herë të parë këtë formë të mësimit. E përgatitjet janë në fazën finale për të filluar vitin e ri shkollor.
Gjithçka pothuajse është gati për pritjen e nxënësve me 2 shtator.
Shkolla e Gjelbër është në fazën finale të përgatitjeve për mësimin tërë ditor.
Në këto hapësira nxënësit nga klasa e parë deri në klasën e 5 do të qëndrojnë nga orës 7:45 e deri pas orës 15:00.
Drejtori i kësaj shkolle tregon se si do të zhvillohet ky proces mësimor.
“Fillimisht nxënësit do të kenë në orën 7:45 hyrjen në shkollë diku 20-30 minuta do të kenë ambientim do të hanë ushqimin që do të sjellin nga shtëpitë e veta dhe një feedback me mësuesen se çfarë kanë pasur aktivitete, madje do të fillojnë mësimin që e kanë me korrikule, orët të cilat i kanë të rregullta, pas dreke do të kenë aktivitete të sportit të muzikës, të artit, jemi duk shikuar mundësin së bashku më Komunëne Prishtinës këto pesë shkolla të shkojnë edhe në notë do të ketë dhome të filmit dhomë të leximit dhe detyrat e shtëpisë që do të jetë një lehtësim për prindërit”, tha drejtori Besart Ismajli.
Për drejtorin e shkollës së Gjelbër, Besart Ismajli, mësimi treditor do të këtë efekte pozitive tek nxënësit.
“Efekti i parë është që prindërit do të kenë mundësin të punojnë duke marrë parasysh që shumë prindër janë sakrfiku për fëmijët e tyre, nuk kanë pas mundësi të punojnë dy prindërit se ëshë dasht dikush te merret me fmijë, poashtu duke pasur parasysh që me testin pisa nuk jemi shumë mirë, besoj që do të ketë rritje të cilësisë në këtë drejtim”, tha ai.
Përgatitjet për mësimin tërë ditor ka qenë stresues edhe për mësimdhënësit e shkollës së Gjelbër.
“Fillimisht kur është përmend që mu përfshi edhe shkolla jonë në mësimin treditor ka qenë pak e vështirë për më u adaptuar edhe te ne, pasi është hera e parë që fillojmë me mësim tërëditor. Koha pak e shkurtë për mu përgatit ka qenë edhe për neve e papranueshme, por kemi bashkëpunuar edhe me shkollat tjera dhe me DKA edhe përgatitje vec se janë bërë”, tha Fitore Maqani – mësuese në Shkollën e Gjelbër.
E mësim tërë ditor do t’iu shtojë edhe punën mësimdhënësve.
Por për këtë ata do të paguhen më shumë.
“Normalisht mësimdhënësit të cilët i kanë klasat e veta kanë me mbajt orët e veta bazë, me vetëdeshirë dhe vetë inicitiativë në bashkëpunim me DKA dhe drejtorin e shkollës mund të mbajnë orë mbi normë të cilat iu paguhen në bazë të ligjit në fuqi”, tha ajo.
Përveç shkollës së Gjelbër, mësim tërë ditor do të mbahet edhe në shkollën “Faik Konica”, “Nazim Gafurri”, Xhemail Mustafa” e “Qamil Batalli”.
