Sulmuesi i Kombëtares së Kosovës, Fisnik Asllani është ndër futbollistët më të kërkuar në Gjermani në këtë afat kalimtar të verës.
Shkëlqimi i Asllanit të Elversbergu ka bërë që gati gjysma e skuadrave nga Bundesliga të shprehin interesim për transferimin e tij.
I huazuar nga Hoffenheimi, Asllani ka shkëlqyer këtë sezon në Bundesligën 2, duke shënuar 18 gola dhe bërë 9 asistime për ta ndihmuar Elversbergun të siguroj plejofin e Bundesligës.
Borussia Monchengladbachu, Ëerder Bremeni, Freiburgu e Stuttgarti veçse kanë interes për Asllanin, ndërsa në fillim të këtij viti e kishin kërkuar edhe Union Berlini e Kolni.
Vlera e 22-vjeçarit në treg është rreth 4 milionë euro kurse Asllani ka kontratë me Hoffenheimin deri në verën e vitit 2026.
Po ashtu, Asllani ka tërhequr interesim edhe jashtë Gjermanisë, pasi po monitorohet edhe nga Sportingu, Fenerbahçe, Anderlechti e Lille.
