Kryetari i Komunës së Prizrenit, Shaqir Totaj, ka njoftuar se zjarri në Prevallë është shuar, pas intervenimit të KFOR-it nga ajri.
“Megjithatë, bashkë me të gjithë akterët relevant në terren jemi në përcjellje të situates”, ka shkruar ai në Facebook.
Totaj, ka falenderuar jo vetëm KFOR-in por edhe të gjithë akterët e tjerë për kontributin e tyre në menaxhimin e zjarrit.
“Gjate intervenimit nga ajri, nga ana e KFOR-it, me anë të helikopterëve është hedhur ujë, ndërsa, zjarri është shuar dhe nuk duket se ka shenja se mund të përsëritet gjendja e njejtë.Megjithatë, bashkë me të gjithë akterët relevant në terren jemi në përcjellje të situatës. Jemi falënderues dhe mirënjohës jo vetëm ndaj KFOR-it por dhe ndaj të gjithë akterëve tjerë të cilët dhanë kontributin, se pari për ta menaxhuar e pastaj për të shuar zjarrin. Falënderim për shtabin emergjent të krijuar nga Drejtoria e Emergjencës dhe Sigurisë e Komunës së Prizrenit, posaçërisht zjarrfikësve prizrenas që monitoruan situatën gjatë gjithë kohës”, ka shkruar Totaj
Ndryshe, teve1.info më parë ka raportuar se ka nisur intervenimi i KFOR-it nga ajri për shuarjen e zjarrit në Prevallë.
Nis intervenimi i KFOR-it nga ajri për shuarjen e zjarrit në Prevallë
