Seanca e shqyrtimit fillestar ndaj të akuzuarit Festim Ramadanit, ish-polic dhe të akuzuarit Jeton Misini për vrasjen e 89-vjeçarit, Sadri Sadriut është shtyrë për 29 shtator.
Avokati zëvendësues, Naim Ferati, për të akuzuarin Ramadani kërkoi që të shtyhet seanca e shqyrtimit fillestar për leximin e aktakuzës dhe të aprovohet kërkesa e avokatit kryesor Besnik Berisha, për ekzaminim psikiatrik në Institutin e Psikiatrisë Forenzike për Ramadanin.
Shtyrje të shqyrtimit fillestar kërkoi edhe avokati zëvendës Driton Sejdiu, i të akuzuarit Jeton Misini, me arsyetimin se është avokat zëvendësues.
Këtë shtyrje e kundërshtoi i akuzuari Festim Ramadani. Ai kërkoi qe të vazhdojë seanca e shqyrtimit fillestar dhe të deklarohet lidhur fajësisë.
