Kjo për shkak se aty kalojnë shpesh vetura, ndonëse rruga për kalimin e tyre është e ndarë me barrierë fizike nga shtegu.
“Është te rruga ‘Agim Ramadani’ që nuk është përfunduar akoma edhe aty vazhdimisht parkohen veturat, nuk është e shenjëzuar, nuk ka shigjeta, pra as nuk dihet për çka është ai shteg edhe shumica e këmbësorëve e ngatërrojnë mendojnë se është vend për këmbësorë. Është edhe ky te Dardania. Ky është inaugurua në fillim të vitit ose para një viti nga Komuna e Prishtinës por edhe pse është inauguruar, nuk është mirëmbajtur aspak, ka pas vazhdimisht xhama, mbeturina”, shprehet çiklisti Suhel Ahmeti.
Teksa arkitektët kërkojnë të zgjerohen shtigjet ekzistuese dhe të shtohen sinjalizimet, Komuna e Prishtinës premton shtigje të reja e siguri më të madhe.
Kronika e realizuar nga gazetari Gojart Jashari
