Belgjika thirri ambasadorin e SHBA-së në vend, Bill White për një takim të martën, duke i kërkuar të respektojë institucionet dhe sovranitetin e saj pas kritikave të tij publike ndaj një hetimi gjyqësor në vazhdim.
Ministria e Jashtme tha se atij iu kujtuan “roli dhe kufizimet” e diplomatëve sipas Konventës së Vjenës, duke theksuar se “sulmet personale ndaj një anëtari të qeverisë belge dhe çdo ndërhyrje në punët e brendshme të Belgjikës janë në kundërshtim me këto rregulla themelore diplomatike”.
Mosmarrëveshja lidhet me një hetim të pavarur gjyqësor mbi rrethprerjet rituale në komunitetin hebraik të Antwerp-it.
White e quajti çështjen “ABSOLUTISHT një çështje antisemitizmi” dhe e akuzoi Belgjikën për antisemitizëm.
Ministri i Jashtëm Maxime Prevot i cilësoi komentet “të papranueshme”, duke thënë: “Çdo sugjerim se Belgjika është antisemite është i rremë, fyes dhe i papranueshëm” dhe paralajmëroi për “dezinformim të rrezikshëm”. Ai shtoi se “respekti për sovranitetin funksionon në të dyja drejtimet”.
Ndërkohë, Ministri i Shëndetësisë Frank Vandenbroucke akuzoi SHBA-në për një “sulmi ideologjik” ndaj modelit social evropian dhe tha se BE-ja duhet të reagojë më fort ndaj kërcënimeve me tarifa, duke theksuar: “Bashkimi Evropian është një mburojë mbrojtëse kundër kërcënimeve dypalëshe. Ne duhet ta bëjmë këtë shumë më të qartë për qytetarët tanë.”
