Kolektivi për Mendim dhe Veprim Feminist ka bërë një reagim publik, ku dënon rrëmbimin e mbi 500 aktivistëve dhe aktivisteve, përfshirë Albulena Fazliun nga Kosova, në operacionin e ndërmarrë nga Forcat e Mbrojtjes së Izraelit (IDF) ndaj flotës humanitare “Globale Sumud”
Sipas Kolektivit, ndër 500 aktivistët/et të ardhur nga 40 vende të botës që u angazhuan në këtë flotë për të hapur koridor humanitar drejt Gazës, ishte edhe Albulena Fazliu — e cila më parë ka qenë refugjate nga Kosova dhe sot jeton në Gjermani
Në Reagimin e tyre thuhet:
“Shteti i Kosovës duhet të kërkojë menjëherë që Izraeli ta lirojë Albulenën dhe aktivistet e aktivistët tjerë dhe njëherë e mirë të marrë pozicion politik dhe të thërras për ndalim të shfarosjes së popullit palestinez nga Izraeli. Shteti dhe shoqëria jonë duhet të qëndrojnë krah Albulenës, popullit palestinez dhe gjithësecilës/it që është duke u angazhuar që Palestina të jetojë, dhe të jetojë e lirë.”
Organizata thekson se institucionet e Kosovës, Qeveria, Ministria e Punëve të Jashtme dhe Presidenca kanë detyrë urgjente që të ndërmarrin veprime diplomatikë për të ndërmjetësuar lirimin e menjëhershëm të Fazliut dhe të gjithë aktivistëve tjerë të ndaluar.
