Një person është arrestuar mbrëmë në rrugën “Ahmet Kaqiku” në Ferizaj, pasi që dyshohet se ka sulmuar dy zyrtarë policorë.
Policia thotë se i dyshuari shtetas i Gjermanisë, ka shkaktuar kundërvajtje në komunikacion dhe në ndikimin e alkoolit nuk i ka zbatuar urdhrat e zyrtarëve policorë.
Tutje, është bërë e ditur se njësitë policore me forcë e kanë futur në kontroll të dyshuarin, ku gjatë këtij veprimi ka pasur sulm nga ana e tij, ku më pas kanë mbetur të lënduar vetë ai dhe dy zyrtarët policorë.
Në raportin 24-orësh është bërë e ditur se të lënduarit janë dërguar për tretman mjekësor.
Ndërkaq, me vendim të prokurorit rasti është iniciuar “Sulm ndaj personit zyrtar”.
“Rr.Ahmet Kaqiku, Ferizaj 12.08.2023 – 0:35. Raportohet se është arrestuar një i dyshuar mashkull-shqiptar shtetas i Gjermanisë, pasi që i njëjti ka shkaktuar kundërvajtje në komunikacion dhe nën ndikim të alkoolit nuk ka zbatuar urdhrat e zyrtarëve policorë. Njësiti policorë me forcë ka futur nën kontroll personin në fjalë, gjatë kësaj dy zyrtarë policorë dhe i dyshuari kanë pësuar lëndime dhe më pas kanë pranuar tretman mjekësor. Me vendim të prokurorit rasti iniciohet si më lartë, pas intervistimit i dyshuari është liruar. Rasti është duke u hetuar”, thuhet në njoftimin e Policisë së Kosovës./teve1.info/
