Për pak ditë, bëhen 7 vjet nga vdekja e ish-aktivistit të Lëvizjes Vetëvendosje, Astrit Deharit.
Në heshtje janë institucionet e drejtësisë për hetimet ndaj këtij rasti.
Prokuroria Speciale, e cila e ka në kompetencë të saj këtë rast nuk iu është përgjigjur pyetjeve të televizionit.
Për mospunë të organeve hetuese, kritikat vazhdojnë nga përfaqësuesi i familjes Dehari, të cilët janë ende në pritje të një përgjigje për kërkesën për ndërrim të prokurorit të rastit.
Për angazhim në gjetjen e fajtorëve të vdekjes së Deharit, Lëvizja Vetëvendosje deklarativisht ishte zotuar ndër vite, madje edhe në fushata zgjedhore.
Veprimet e pushtetarëve, i arsyetoi avokati Tomë Gashi, duke thënë se ata kanë bërë gjithë çfarë është në kompetencë të tyre.
Nga Ministria e Drejtësisë në lidhje me veprimet që lidhen me rastin Dehari, kanë thënë se duhet drejtuar kah Prokuroria Speciale.
Vitin e kaluar disa nga mostrat e Deharit u zhdukën në Institutin e Mjekësisë Ligjore, për t’u kthyer më pas një pjesë e tyre.
