Përzgjedhësi i Kosovës, Franco Foda, ka bërë një sërë ndryshimesh në formacionin bazë të ‘Dardanëve’ për ndeshjen miqësore ndaj Komoreve.
Kosova do të përballet ndaj Komoreve me fillim nga ora 19:00 në stadiumin ‘Fadil Vokrri’.
Në përpjekje për t’i dhënë hapësira të gjithë futbollistëve që janë bërë pjesë e këtij grumbullimi, Foda ka vendosur që të bëjë plotë shtatë ndryshime në krahasim me ndeshjen e kaluar ndaj Armenisë.
Ndryshimi i parë vjen në portë ku Visar Bekaj ka zënë vendin e Amir Saipit për këtë duel.
Në fazën e mbrojtjes Foda i ka dhënë debutimin yllit të Prishtinës, Ron Raçit, i cili është shpërblyer për paraqitjet fantastike me kryeqytetasit në Superligën e Kosovës.
Pasi nuk mori minuta ndaj Armenisë, si titullar e nis Florent Hadërgjonaj, teksa nga minuta e parë atij i janë bashkangjitur edhe Lindon Emërllahu dhe Donat Rrudhani.
Në fazën e sulmit Albion Rrahmani i cili shënoi dy gola ndaj Armenisë nga banka rezervë e nis nga minuta e parë, teksa si mesfushor më i avancuar është aktivizuar edhe Meriton Korenica:
Formacioni i Kosovës ndaj Komoreve:
Bekaj, Vojvoda, Dellova, Raçi, Hadërgjonaj, Emërllahu, Rexhbecaj, Rrudhani, Jashari, Korenica, Rrahmani.
