Sistemi publik shëndetësor i Kosovës është përforcuar me 17 anesteziologë të rinj, të cilët do t’i bashkohen Shërbimit Spitalor Klinik dhe Universitar të Kosovës (ShSKUK), duke rritur kapacitetet profesionale në ofrimin e shërbimeve shëndetësore.
ShSKUK njoftoi se anesteziologët në Qendrën Klinike Universitare të Kosovës (QKUK) dhe në spitalet e përgjithshme ofrojnë shërbime 24 orë në ditë, duke luajtur një rol kyç në ndërhyrjet kirurgjikale, kujdesin intensiv dhe menaxhimin e rasteve urgjente.
Sipas njoftimit, angazhimi i 17 specialistëve të rinj pritet të rrisë mbështetjen për sallat operative, njësitë e kujdesit intensiv, repartet emergjente dhe shërbimet e tjera spitalore në kuadër të ShSKUK-së.
