Për një vit, partitë shqiptare në Graçanicë negociuan.
E në fund, marrëveshja ishte që të kandidojnë me një listë të përbashkët për zgjedhjet lokale të 12 tetorit.
Aleancës Shqiptare që përbëhet nga Lëvizja Vetëvendosje, Partia Demokratike e Kosovës, Lidhja Demokratike e Kosovës dhe Aleancës për Ardhmërinë e Kosovës, do i prijë Leutrim Ajeti.
Ajeti që është nënkryetar aktualisht në këtë institucion thotë se së fundi kanë mbajtur disa takime për marrëveshjen.
Ai thotë se përfaqësuesit e partive të tjera nuk e patën hiç problem që t’ia lënë postin e kryetarit.
Kanidati për kryetar shprehet i bindur se lista e tyre do të jetë fituese dhe zotohet do të bashkëpunojnë me të gjithë komunitetet në këtë komunë.
Ajeti tregon se bisedime ka pasur edhe në komuna të tjera për të kandiduar me një listë por që nuk janë marrë vesh.
Vendimin që shqiptarët të jenë bashkë në një listë e ka mirëpritur Etem Krasniqi nga kjo komunë.
Në regjistrimin e fundit të popullsisë të bërë nga Agjencia e Statistikave të Kosovës, del që Graçanica është komunë me shumicë shqiptare.
Pasi nga 18 mijë e 486 banorë, në këtë komunë del se ka 8 mijë e 623 shqiptarë dhe 8 mijë e 560 serbë.
Romë gjithsejt janë 909 kurse ashkali, 133 banorë.
