Përgjatë gjithë ditës sheshet e kryeqytetit kanë qenë të mbushura me vizitorë. Shqiptarë nga të gjitha trojet erdhën për të shënuar 28 nëntorin në Prishtinë, e më së shumti këtë ditë po e shijojnë fëmijët.
Në veshje kombëtare e pranë përmendores së Skënderbeut në Prishtinë po e shënojnë 28 nëntorin.
E të vegjlit po e shijojnë më së shumti këtë ditë.
Bashkë me ta, shqiptarë nga të gjitha trojet erdhën për të festuar Ditën e Pavarësisë së Shqipërisë.
Ndërsa sheshet e Prishtinës u zbukuruan me flamuj kuqezi.
Krahas tyre janë vendosur edhe flamuj verdhëkaltër.
Kjo ditë do të thotë shumë për qytetarët e Kosovës.
“Për mu është shpirt, zemër, 28 nëntori, kjo festë shqiptare”, tha një qytetarë.
“Tanë me u ba bashkë, me majtë fjalën fjalë, besën besë”.
Për shqiptarët, urime kanë edhe të huajt.
“Edhe ne po e festojmë festën tuaj, uroj më të mirën për ju”.
Për këtë ditë, për gjatë gjithë ditës ka qenë një fluks i madh i qytetarëve.
