Sipas Malokut, mostransparenca e Qeverisë karshi dialogut Kosovë – Serbi është më shqetësuese sesa mundësia e degradimit të situatës në veri të vendit.
“Është shqetësuese sot me u diskutu për tema të mëdha të dialogut dhe të pozicionit të Kosovës për të ardhmen pas këtij dialogu me këtë mostransparencë kaq të fuqishme. Kjo për mua është shqetësuese ndoshta më shqëtësuese se probabiliteti i mundësisë së degradimit të situatës edhe të sigurisē në veri të vendit”, tha Maloku.
Teksa edhe analisti Muhaxhiri në emisionin “Info Nata” ka theksuar se mostranparenca e Qeverisë është prezente edhe në raport me draftin franko-gjerman, sepse sipas tij, nuk është e drejtë që qytetarët e Kosovës të kuptojnë për këtë draft përmes portaleve, e jo nga vet kryeministri Kurti.
“Nuk është e drejtë që qytetarët të kuptojnë nga një portal se ka një draft franko-gjerman edhe pastaj të ketë shumë qëndrime gati edhe kontradiktore. Në përgjithësi një heshtje dhe një rezervim i plotë. Askush nuk kërkon nga Kurti të që t’i bëjë të ditura sekretet shtetërore, mirëpo ne si tatimpagues, si qytetarë të Kosovës duhet t’i dimë orientimet”, ka thënë Muhaxhiri./teve1.info./