Policia, ekipet e shpëtimit dhe emergjencat në Mitrovicë kanë shpëtuar sot në mëngjes dy familje që kanë mbetur të ngujuara për shkak të vërshimeve në lagjen “2 Korriku” në këtë qytet.
Në ndërkohë, po vazhdon puna për shpëtimin edhe të një familjeje tjetër.
Gjatë natës janë ndihmuar edhe dy familje tjera të cilat janë dërguar në një vend të sigurt, shkruan KP.
Operacionin e shpëtimit të tyre mëngjesin e sotëm e ka ndjekur nga afër edhe kryetari i komunës, Faton Peci.
