Njësitet policore të Stacionit Policor Veriu në Prishtinë kanë arritur të parandalojnë një tentativë të vjedhjes së pyllit në fshatin Siqevë të Prishtinës.
Sipas njoftimit të Policisë, reagimi i shpejtë i njësive ka mundësuar jo vetëm parandalimin e vjedhjes, por edhe sigurimin e provave që lidhen me rastin.
Sektori i Hetimeve të Kryeqytetit ka ndërmarrë veprimet e nevojshme hetimore dhe, në koordinim me prokurorin e shtetit, rasti është regjistruar si “Vjedhje e Pyllit”.
“Policia e Kosovës mbetet e përkushtuar në parandalimin dhe luftimin e prerjes ilegale të pyjeve dhe apelon tek qytetarët që të bashkëpunojnë dhe të raportojnë çdo aktivitet të dyshimtë që dëmton mjedisin dhe pasuritë natyrore”, theksohet në njoftim./teve1.info/
