Lajmin për Teve1.info e ka konfirmuar zëvendëskomandanti i policisë për rajonin e Mitrovicës së Veriut, Besim Hoti.
Hoti tha se nuk ka ndonjë rrezik.
“Shpërthim prioteknik. E zëshme, pa dëme. S’ka ndonjë rrezik”, ka thënë ai.
Kujtojmë se gjatë ditëve të fundit kanë ndodhur disa shpërthime me mjete piroteknike, shok-bomba e granata dore.
Kjo po ndodh pikërisht në kohën kur po bëhen përgatitjet për organizimin e zgjedhjeve për kryetar të komunave në Mitrovicë të veriut.
Të martën në Zubin-Potok dhe në Mitrovicë të Veriut, zyrtarët komunalë të zgjedhjeve dhe zyrtarët policorë, derisa kanë tentuar t’i hapin zyrat e Komisioneve Komunale Zgjedhore, janë sulmuar me shok-bomba dhe të shtëna në ajër. Si pasojë e kësaj atyre u është pamundësuar vazhdimi i procesit përgatitor për zgjedhjet e jashtëzakonshme në veri. Sulme në veri ka pasur edhe të mërkurën.
Ndërkaq, në ditën e enjte u shtua prezenca e Policisë së Kosovës në veri. Po atë ditë në mbrëmje u plagos një polic në Zveçan nga persona të armatosur me armë të gjata. /Teve1.info/
