Një grua është arrestuar të enjten në Podujevë, nën dyshimin për kryerjen e veprës penale “keqtrajtim apo braktisje e fëmijëve”.
Sipas raportit 24-orësh të Policisë, e dyshuara është ndaluar nga autoritetet dhe më pas është dërguar për trajtim mjekësor.
Me vendim të prokurorit, ajo është dërguar në mbajtje për procedura të mëtejshme ligjore.
“Është arrestuar e dyshuara femër kosovare pasi që dyshohet se kishte kryer veprën e lartcekur. E dyshuara është dërguar për tretman mjekësor dhe e njëjta me vendim të prokurorit është dërguar në mbajtje”, thuhet në raportin e PK-së./teve1.info/
