Xhamat e lokalit janë dëmtuar në tërësi.
Këtë dëm në këtë lokal në sheshin e Podujevës, e shkaktoi shpërthimi i një bombole të gazit.
Nga incidenti mbetën të lënduar tre persona, të cilët u trajtuan në emergjencën e qytetit.
“Kemi marrë një informatë për një shpërthim të një bombole të gazit në qendër të qytetit dhe kemi shkuar menjëherë në vendin e ngjarjes, ku kemi hasur në tre persona. Lëndimet kanë qenë shumë të vogla, nuk ka pasur nevojë për ndonjë intervenim të madh. I kemi trajtuar në emergjencën tonë dhe pas trajtimit i kemi lëshuar në shtëpi”, ka thënë Ymeri.
Televizioni ka provuar të marrë edhe një verzion të pronarit të lokalit për këtë rast, mirëpo ata nuk ata nuk kanë folur.
Madje, nuk është lejuar as filmimi i ambienteve të lokalit nga afërsia.
Rasti është duke u hetuar edhe nga Policia e Kosovës.
“Zyrtarët policorë janë angazhuar menjëherë në vendin e ngjarjes. Duke u bazuar në informacionet e para, dyshohet se shpërthimi ka ardhur nga një bombol gazi, ku tre persona kanë pësuar lëndime”, thuhet në njoftimin e Policisë së Kosovës.
Rasti ka ndodhur rreth orës 08:30 e mëngjesit, ndërkaq të lënduarit pas kontrolleve mjekësore janë liruar për në shtëpi.
