Sulmuesi shqiptar, Cristian Shpendi ka vazhduar me formën e mirë edhe këtë sezon në Serie B, të Italisë.
Shpendi po del të jetë lojtari kyç i Cesenas, ekip që pas katër xhirove të zhvilluar në kategorinë e dytë të Italisë, ka tubuar gjashtë pikë.
Me dy golat e tij në barazimin ndaj Cremoneses, Shpendi aktualisht i prinë listës së golashënuesve në Serie B.
Në katër ndeshje kampionale të luajtura deri më tani, Shpendi është golashënuesi më i mirë me pesë gola të realizuar.
Ai po vlerësohet ndër sulmuesit më të mirë në Serie B, ndërsa gjatë verës kishte oferta edhe nga Serie A për transferimin e tij.
Megjithatë, 23-vjeçari mbeti te Cesena edhe për sezonin 2026/27 kurse me këtë skuadër ka kontratë deri në verën e vitit 2028.
