Njohësi i çështjeve politike, Selam Shkodra ka thënë Memli Krasniqi nuk dha arsyet e dorëheqjes nga kreu i PDK-së, ndonëse siç ka thënë ai foli shumë.
Shkodra ka vlerësuar se dorëheqja e Krasniqit ka qenë më momentin e duhur, pas sipas tij në këtë parti kishte zëra të pakënaqur.
“z. Krasniqi foli shumë po nuk tregoj shkaqet e dorëheqjes dhe kjo duhet të diskutohet”, u shpreh Shkodra.
Memli Krasniqi në konferencën për media ku njoftoi për dorëheqjen tha se vendimi është një akt reflektimi dhe përgjegjësie.
“Kjo është një dorëheqje reflektimi dhe përgjegjësie, për krijimin e një momentumi të ri për PDK-në,” deklaroi ai.
Sipas, Selam Shkodrës kanë që dy faktorë që Krasniqi mori këtë vendim
“Dy faktorë janë që e kanë detyruar kryetarin e PDK-së që të dorëhiqet , një është rezultati i dobët në dy tri palë zgjedhje. PDK është menaxhuar, rënia e saj ka mbet në koutat që është marrë ose ka lëvizë minimalisht me vota, dhe keqmenaxhimi total me Komunën e Drenasit apo konfrontimi i panevojshëm me z.Ramiz Lladrovcin”, ka thënë Shkodra.
Ai ka thënë se paralajmërimi i kryetarit të Drenasit, Ramiz Lladrovci dhe disa figurave për formimin e një lëvizje të re dhe pjesëmarrjen në zgjedhje nacionale do ta dëmtonte PDK-në dhe për këtë ai ka thënë se dorëheqja e Krasniqit është në kohën e duhur.
“Sikur të kishte ndodh një lëvizje e re nga protagonistët që e parakamruna do të përgjysmonte numrin ose të zbriste në 30 apo 40 % të numrit të deputetëve dhe kjo do të ishte një përgjegjësi e madhe. Mendoj se është një dorëheqje në kohën e duhur”, është shprehur ai.
