Nënshkrimet për shkarkimin e kryetarit të Komunës së Mitrovicës së Veriut do të mblidhen në sallën e sportit në këtë komunë.
Autorizimi për peticionin u bë gjatë së hënës në Kuvendin Komunal në Mitrovicë të Veriut.
Kryesuesi i Kuvendit Komunal, Nexhat Uglanin ka thënë që drita e gjelbër i është dhënë grupit iniciues për mbledhje të nënshkrimeve, tani i mbetet atyre të vazhdojnë me procedurat tutje.
Mirëpo ka dyshime për regjistrimin zyrtar të Grupit Iniciues në KQZ.
E për ta konfirmuar këtë, zëdhënësit nga ky institucion (KQZ) nuk i kthyen përgjigje televizionit.
Ndërsa, për zëvendësimin e kryetarëve patën rezervë të shprehen banorët e veriut.
Qytetarëve serb nuk pranuan të flasin lidhur me atë se a do të nënshkruajnë peticionin dhe a i kanë pranuar formularët për zbatimin e tij.
Për shkarkimin e kryetarit të komunës së Mitrovicës së Veriut duhet të mblidhen plot 3640 nënshkrime, që i bie 20 për qind të numrit total të votueseve në këtë komunë.
