Goli i tij i parë sezonal për Beshiktashin, kishte vlerë të madhe të enjten mbrëma. Milot Rashica realizoi në barazimin 1:1 ndaj Laussanne, në Play-Off të Ligës së Konferencës.
Për ndeshjen e kthimit në Stamboll, ekipi turk ka gjasa të mira që para tifozëve të vet të sigurojë fazën e ligës, në kupën evropiane dhe Rashica do të ketë gisht në këtë sukses të mundshëm.
Por mesfushori sulmues i Kosovës megjithëkëtë nul e ka të sigurt ende qëndrimin në klub. Nga raportimi i mediave turke, ai vazhdon të jetë në treg dhe mund të shitet për një ofertë të mirë.
Sipas gazetës “Foto Maç”, Beshiktashi madje ka gjetur zëvendësimin e tij, mesfushori çek Vaclav Cerny pritet shumë shpejt të vij në vend të Rashicës, i cili u kritikua shumë për paraqitjet e tij në fillim të sezonit.
