Por, pritshmëritë nga ky takim janë të ulëta pas disa përpjekjeve të dështuara diplomatike deri më tani, raporton BBC.
Bisedimet mes dy Guterres dhe Putinit pritet që kryesisht të përqendrohen në qytetin e rrethuar të Mariupolit ku pavarësisht shpalljes së fitores, forcat ruse nuk kanë arritur të marrin fabrikën e çelikut, Azovstal.
Forcat ukrainase deklaruan më herët të martën se Rusia vazhdon të bllokojë njësitë e saj në uzinë, teksa kanë kërkuar nga Guterres të garantojë një korridor humanitar për të evakuuar civilët që strehohen brenda Azovstal.
Po ashtu, shefi i OKB-së pritet të udhëtojë në Kiev të enjten ku do të takohet me presidentin, Volodymyr Zelensky.
Ndryshe, edhe Shtetet e Bashkuara të Amerikës do të nisin bisedimet e mbrojtjes në lidhje me Ukrainën me dhjetëra vende sot, me sekretarin e mbrojtjes së SHBA-së, Lloyd Austin, që do të jetë mikpritës në Gjermani.
Këto bisedime vijnë pasi Ministri i Jashtëm i Moskës, Sergei Lavrov, ka paralajmëruar se rreziku i një Lufte të Tretë Botërore “është serioz” dhe ka kritikuar qasjen e Kievit për prishjen e bisedimeve të paqes.
Ministri i Jashtëm ukrainas Dmytro Kuleba, megjithatë, u përgjigj se Lavrov po përpiqej të “friksonte botën” nga mbështetja e vendit.
